मी निर्भया | कविता

तलवारीची धार निर्भया ,
शञुंचा संहार निर्भया .
मी निर्भया मी निर्भया !!

धगधगता अंगार निर्भया
दुष्टांचा कळीकाळ निर्भया
मी निर्भया मी निर्भया!!

बुडत्याचा आधार निर्भया
सत्याचे सार निर्भया
मी निर्भया मी निर्भया!!

नारी शक्तीचा श्वास निर्भया
भविष्याची आस निर्भया
मी निर्भया मी निर्भया!!

निर्बलाचे धैर्य निर्भया
चुकलेल्याचे स्थैर्य निर्भया
मी निर्भया मी निर्भया!!

सत्याचा जयकार निर्भया
निश्चयाचा हुंकार निर्भया
मी निर्भया मी निर्भया!!