नजरेत भाव पाहिले मी
तुझे समर्पण होते
नाते जुळताना अनोळखी
थोडेसे दडपण होते
माणूस आज बंदिवान
मुक्त सारे पशु पक्षी
निसर्गाची किमया सारी
रेखाटिली त्याने नक्षी
कधीतरी संकटेही
शिकवून जातात बरेच काही
कठीण परिस्थितीतही
उभरण्याची देतात ग्वाही
आज वेळ नाही म्हणून
उद्यावर ढकलायचं नसतं
संधी येते एकदाच
तिला वगळायचं नसतं
फिरून फिरून थकलो सारे
लॉकडाऊन ने केलं गार
सुट्टीसाठी बोंबलणारे
रोज भोगती आज रविवार
कामाचा व्यापाच असा की
कुटुंबासाठी मिळेना वेळ
लॉकडाऊन ने दिली संधी
नात्यांमध्ये बसतोय मेळ
आयुष्य काही क्षणांचे
भासे मातीमोल जरी
मनीच्या पाखरा
आज घेऊ दे भरारी
लॉकडाऊन चा असा
उडवून भारी फज्जा
नेतेच करतात आंदोलन
राजकारणाची मज्जा
तुझ्या नजरेने होऊन घायाळ
मी आजही झुरतो आहे
अर्पून तुलाच सारे मी
माझे मलाच उरतो आहे
गंध तुझा सखे मोहवणारा
हवा हवासा मज वाटे
वाऱ्या वरती भूर भूर उडती
केसांची सावली ती दाटे
कोणत्याही टिप्पण्या नाहीत:
टिप्पणी पोस्ट करा